رزنامة الترشح للحصول على المنحة الجامعية للطلبة الجدد

هذا تفسير مفصل و دقيق لعملية الترشح للحصول على منحة (بورص) ،كيفية تعمير المطلب و تفسير لكل وثيقة من الوثاق المطلوبة بالنسبة للطلبة الجدد ... نبداو خطوة بخطوة صدقوني كان تبعو المنشوور هذا و تقراوه مالألف للياء تخرجو فاهمين العملية بنسبة 100% فقط ركزو و تبعوني و ماتبخلوش على صحابكم و تاڨيوهم في المنشور..

باهي نبداو بأول خطوة : باش تعمل مطلب في الحصول على منحة ، هذا المطلب موجود على موقع ديوان الخدمات الجامعية بالشمال 

بعد تدخل تعمر المعطيات متاعك و عملية ساهلة بعد ماتعمر المطلب على الموقع ...يجيك المطلب في شكل ملف تقوم بتحميلو ، لازم تخرجو و تطبعو وهو في شكل 4 صفحات و من المستحسن تعمر بالحاسوب موش بالهاتف 

بعد يجيك المطلب ألي متكون من 4 أوراق 

ورقة 1

هاذي تلقاو فيها المعطيات ألي عمرتوهم على الموقع و كان عندك أي خطء أو حاجة ناقصة تنجم تصلح بالقلم عادي

ورقة 2

هاذي ورقة تلقاو فيها الأوراق و تكتب فيها التاريخ و تصحح فيها

3 ورقة 

هاذي التزام لازم بوك و لا أمك يعمرو و يصححو في البلدية

ورقة 4

هاذي باش تلقا فيها العنوان ألي باش تبعث عليه المطلب متاعك

باهي بعد ماخرج المطلب هاذا و تبعت كيما فسرلتك كل ورقة ...باش تبدا تحضر أوراق متع البورص ...باش نفسرلك بالورقة و بالورقة ..و منين تجيبها .

----------------

*مطلب الترشح هاك 4 أوراق ألي خرجتهم

*نسخة من بطاقة التعريف الوطنية للمترشح

*التصريح بالدخل السنوي للاب(وليس الوصل ) تاخذوهم من القباضة المالية و هز بطاقة تعريف بوك أو الدفتر العائلي 

*التصريح بالدخل السنوي للام (وليس الوصل ) تاخذوهم من القباضة المالية و هز بطاقة تعريف أمك أو الدفتر العائلي

*شهادة عمل لكل من الأبوين أو بطاقة خلاص من المؤجر أو

الجهة المختصـة أو شهادة في عدم الشغل مسلمة من العمدة أو بيان جراية التقاعد مسلم من الصندوق المعني أو شهادة مكاسب ( بالنسبة إلى الفلاحين أو أصحاب العقارات). تاخدوهم من المعتمدية او العمدة أو من الشركة أو العرف متع والديك 

*في حالة وفاة الأب أو الأم

*مضمون الوفاة مع الإدلاء ببيان في جراية الأرامل( الإدلاء بما يثبت انتماء المتوفي إلى قطاع التعليم بالنسبة لأبناء رجال التعليم) 

*نسخة من الحكم في الطلاق ينص على الحضانة مع التدعيم بشهادة في بيان الحالة الاجتماعية

*نسخة من عقد الزواج إذا كان المترشح متزوجاً وشهادة عمل القرين أو شهادة في عدم شغله

*ظرفان خالصا معلوم البريد يحملان عنوان إقامة الطالب

*كشف حساب من الصندوق الوطني للضمان الاجتماعي للاب كان منخرط في CNSS أو شهادة في عدم الإنخراط كان موش منخرط

*كشف حساب من الصندوق الوطني للضمان الاجتماعي للام

كان منخرطة أو شهادة في عدم الإنخراط كان موش منخرطة من CNSS 

*كشف حساب من الصندوق الوطني للضمان الاجتماعي للاب كان منخرط أو شهادة في عدم الإنخراط كان موش منخرط من

CNRPS 

*كشف حساب من الصندوق الوطني للضمان الاجتماعي للام

كان منخرطة أو شهادة في عدم الإنخراط كان موش منخرطة من

CNRPS 

*كل وثيقة تدعم الحالة الاجتماعية للطالب يعني أي ورقة أخرى تنجم تثبت أنك عندك حالة أجتماعية خاصةة

ورقة أخرى قبل ماننسى هي شهادة تسجيل في الجامعة متاعك ...الورقة هذي تاخذوها وقتلي ترسم في الفاك ...تنجم تبعث مطلب متاعك من تو و بعد تخلطها الورقة هاكي عن طريق البريد و لا تستنا حتى تاخوها تبعث الملف كامل...