وقتلي عمرت التوجيه حطيت زغوان قابس جندوبة الكاف قفصة طاحتلي الاختيار الثالث الي انا ما كنتش نعرف اصلا جندوبة وين تجي ، حطيت اعتباطيا الثلاثة الاختيارات الأخيرة و صدفتلي علوم التربية جندوبة هيا موش صدفة و لكن قدر و احسن حاجة كتبهالي ربي في مسيرتي الجامعية انها تكون في الشمال الغربي المناضل الثائر بطبعو ، مشيت للtest نبكي وقتلي روحت حلفت حتى كان قبلوني ما نمشيش لانها بعيدة على دارنا لكن العائلة الكريمة كبشت و خصوصا امي لانو الشعبة جديدة و انا أول دفعة لا علينا مشيت و قريت غادي و تألقت الحمد لله اساتذتي صحابي موش اك النوع الي يحكيو عليه متاع كور و ما عندكش الحق تقص بالعكس نتحاورو في كل شي و كانت علاقتنا اكثر حتى من صحاب ، الإدارة متاعنا من احسن ما فما من مدير لكاتب عام لأصغر موظف حتى ك نضربوا يدعمونا و ياقفوا معانا موش ك فاكات الي تعدي في طلبتها تقارير تو الصحيح التكوين : التكوين في جندوبة بشهادة برشا ناس من احسن ما فما بالحق السهل الممتنع لقينا روحنا متمكنين في التربصات الميدانية ما نحبش نحكي عالبرامج خاطر هاذي غلطة وزارة و إنما التكوين الأكاديمي و الإطار التربوي القائم على هذا التكوين احسن ما فما يعني متغير ما تحكيلي على سكور كتاب التوجيه بالطبيعة الاماكن الساحلية عندها اكثر سكور و هذا من قبل ما تقرأ حتى دفعة في الشعبة هاذي انك تحكم على شعبة جديدة كان بعد سنوات اما شعبتنا في المعهد العالي للعلوم الانسانيه بجندوبة أثبتت ذلك من السنة الثانيه خلاف انك تكتشف ولاية من احلى البلايص في تونس جندوبة : عين دراهم ، عين سلطان، طبرقة

ايا سيدك بن سيدك اعطيني وذنك👂و طول بالك بش تسمع حكايتي ..اني هديل لي عمرها ما تصورت تقرى تعليم 😏🙄 خدمة انها و بوها و أكثر domaine تكرهوا 😔😣بعد حروب اهلية في الدار طيلة فترة التوجيه 🙊⁦⚔️⁩⁦🗡️⁩⁦⚔️⁩ما نعرش كيفاه وصلت"غرت" بي نبع الحنان و قنعتني فعمرتها هي الاولى 🙃بالرغم نخلط medicine dentaire 😅 (بش تعرفوا قدرة امي على الاقناع يعني 😑 ) أما السيت تسكر 00:00 واني ندمت 00:01 ههه ..و النشكلة عارفة لي اني شناخوها بحكم سكوري زايد عليها 35 نقطة ..(بدون تعليق هه)..الحاصل جاء نهار المساج لي خلاوني نبعثوا بالسيف زادة 😂 نهارتها لاهية نعدي في الكود تع السياقة 🚗🚦اني نستنى في نتيجة الكود تطلع و على اعصاااااابي و تلفون يطنطن 😑عرفتوا المساج هه قلت زح هالفاك عارفتها حرفة في كل شيء ..زدت كرهتها ..كمل كي حبيت المساج نلقى فما تاست 8تع الصباح و اني من سوسة يعني بش نكون في مهدية 9 لازم نخرج 7 يعني القومان م 6:00 😑 و اني يا ناااس في الصيف كائن ليلي الصباح نعرفوش⁦🦇زدت كرهت روحي شنقوم بكري ..الحاصل جاء النهار المحنون و قمت 6:00😔لتو ناادمة و الله ههه ..ثنية كاملة و اني مبوزة و بابا يدلل فيا زعما و اني هازة خشم ههه المشكلة وصلنا لقينا باارشا طلبة أما فماش حد مالادارة ..ستنىىى ستنىىى ستنىىى بدينا 11:00 نعديوا و من زهري الكلب جيت اني آخر وحدة في الليست 😵😥 و نهارتها نهار سخووووووون 🔥🔥 الحاصل كارهين رواحنا و اني بقيت نحكي سوايع في التلفون نضيع في الوقت و فددت لي معاي الكل غادي ههه ديجا انتيمي تو تعرفنا على بعضنا قلي قاش تحكي هههه (تعرفوا على بعضكم في التاست ههه) كهو اخيراا قااالها 🎶🎶هديل عزاز 😍مشيت ..لحق لا حاشمة لا شيئ اصلا عنديش مع الحشمة ههه دخلت تقول عاملة عليهم مزية ..قالي مرحبا بك قتلو صباح الخير و نتشوحر ههههههه عاد نستنى فيه شيسالني قالي غنيلي !!!؛!؛!؛!؛؛!؟؟؟؟ قتلوا نعم؟؟!؟قالي أي غنيلي الغناية لي سمعتها الصباح في الراديو ..قتلوا عناش راديو في الكرهبة 😑 😂 ياخي شد صحيح ..قمت نغني و لفيروز ههه سعدك يااا لطرش 😅الحاصل سكتني فيسع هو ههه تالمون عجبو صوتي هه بعد قالي صرفلي فعل جاء في الأمر 🤐 و تع الفرنسية قلي si l'un de tes élèves est un handicapé comment tu vas agir avec lui? كهو بعد قالولي بااي ههه و الله أقل من ربع ساعة تجلط كان عالقومة بكري ههههههه مهو بعد مشينا عملنا دورة عالبحر و روحنا ههه صدقوني على قد كرهي بيها الشعبية و ندمي عليها وقتها قدها 10 مرات محبة تو لاحلى بلاصة في تونس 😍🔥 وفاااات الحكاية ههه حقى نجحت فلخر هههه