هاني باش نفسرلكم موضوع النقل و إعادة التوجيه في الصيف
(حكاية الملفات، الشروط، الأوراق، وشنوة تنجم تعمل...
)
أول حاجة نتفقو عليها: الكلام هذا based على التجربة والمراجع الرسمية، لكن ديما كل ملف وخصوصياتو
شنوّة الفرق بين "نقلة" و"إعادة توجيه"؟
النقلة: تبديل فاكة لفاكة أخرى في نفس الشعبة أو اختصاص مشابه
إعادة التوجيه: تبديل الشعبة نفسها (صعيبة برشا في الصيف، تقبل حالات استثنائية فقط)
شنوّة شروط "النقلة"؟
تكون في نفس الشعبة تقريبًا
تنجم تكون لأي طالب عندو ظروف اجتماعية، صحية، أو يحب يتقرّب من دارهم
تصير بين آخر جوان وآخر جويلية
تصب الملف في الجامعة (تونس، قرطاج، منار… حسب وين تحب تنقل)
شنوّة يحتوي ملف النقلة؟
أوراق الباك
آخر ترسيم جامعي
بطاقة تعريف
ظرفين بريد
أوراق تثبت الحالة الاجتماعية أو الصحية (بطاقات علاج، شهادة وفاة، شهادة مرض… إلخ)
أي وثائق تدعم الملف: خدمة، جمعية، ظروف عائلية، شهادة إقامة…
شنوّة حظوظك في القبول؟
الملف القوي عندو أكثر فرص
يتبعو البلايص المتاحة
ياخذو بعين الاعتبار المستوى، النجاح، الدوبلاج…
ISET و IHEC يعملو شوية تصفية حسب المستوى
معلومة مهمة: كانك مدوبل و تنقل → ترجع تعاود عام أول
كانك ناجح → تتعدى عام ثاني عادي
إعادة التوجيه الصيفية؟
ما فماش رسميًا، لكن تنجم تجرب بحالة استثنائية (معدل باك أعلى من الشعبة المطلوبة، أو ظروف صعبة، أو Prépa)
تستعمل نفس ملف النقلة، وتبعثو للجامعة
النتائج تهبط متأخر (سبتمبر)، فخلي التسجيل مؤجل حتى توصل النتيجة
بورص ومبيت؟
كي يقبلوك في النقلة → تمشي للديوان تطلب مبيت وبورصة
عملت إعادة توجيه في مارس؟
ما تنجمش تعمل نقلة في الصيف مباشرة… لازمك تقرّى عام بعد التوجيه الجديد
تبعونا باش نزيدو نفسرو كل نقطة، ونعملو شروحات بالصور والميمات
ماركيو صحابكم وشارك المعلومة
